Tre ditë pas tragjedisë në Fier, ku një 3- vjeçar u mbyt në kopsht ka reaguar sot familja e vogëlushit. Mes lotësh dhe e tronditur në një prononcim për mediat, mamaja e 3-vjeçarit, Donalda kodheli, tha se edukatoret e gënjyen, i thanë se djali është gjallë dhe po merr mjekimin e mjekëve, por ka qenë doktori ai që pak minuta më pas i ka dhënë lajmin e kobshëm. Sipas saj, doktori i ka thënë që të tërheqin trupin pasi fëmija ishte dërguar i pajetë në spital dhe mjekët nuk kanë mundur ta kthejnë në jetë.
“Më kanë marrë mua të parën në telefon dhe më kanë thënë është mbytur me litar të bluzës dhe më kanë thënë është në gjendje të mirë dhe është përmendur dhe kur unë kam vajtur në spital më kanë thënë është në sallë të operimit. Në momentin që unë u kam thënë pse është futur në sallën e operimit, doktori ka ardhur dhe më ka thënë se fëmija ka ardhur pa jetë”, tha nëna.
Më tutje ajo tha se drejtoi i kopshtit i kishte thënë se do të zbardh ai të vërtetën pas kopshti ka kamera në çdo cep, por në fakt nuk kishte kamera. Ndërsa vendi kur ishte vrarë fëmija nuk kishte kamera.
“Ai qenka njeri pa shpirt, si e ka hapur sot kopshtin ai kriminel”, tha ajo.
Ndërsa daja i vogëlushit, Durim Kaja, i ka bërë thirrje prokurorisë që të mos humbasë më kohë, por të kryej sa më parë hetimet e në rrugën e drejtë. Ndërsa ka theksuar se, hetimi i parë që është bërë nuk është i drejtë, madje ai akuzon se prokurorinë se mbanë anën e edukatoreve dhe nuk po tregon raportin e vërtetë të hetimeve.
“Zoti prokuror jemi ne të vrarë. Ne nuk jemi dakord me hetimin që është bërë, ndaj duam rihemti. Zoti prokuror është në anën e palës tjetër, ne e duam jetën nuk do vrasim njeri duam vetëm të zbardhet e vërteta. Fëmija nuk na kthehet, por të tregohet e vërteta dhe të vuaj dënimin ai që është përgjegjës”, tha ai.
Më tutje ai u shpreh se fëmija nuk mund të pengohej tek ato kapëse, pasi ato ishin shumë të larta dhe një fëmijë nuk arrin do të, ndërsa shpjegoi që ato kapëse ishin alumini dhe në një peshë të rëndë do të këputeshin menjëherë.
“Ne na vjen lajmi që fëmija është mbytur vetë, dua që dhe mediat të bëjnë kërkime dhe do ta shikoni që fëmija nuk ka mundësi të jetë mbytur vetë tek varja e rrobave, pasi nuk arrin dot fëmija atje. Ndërsa ajo ishte një kapëse alumini që nuk kishte fuqinë, pasi këputej përnjëherë. Ne jemi shokuar kur pamë lartësinë e varëses”, tha Daja.
Madje ai mes lotësh u shpreh i pikëlluar që prokuroi nuk ka dëgjuar fjalën dhe kërkesën e tyre, duke i injoruar plotësisht.
Për këtë fatkeqësi ka dhënë më shumë detaje dhe gjyshi i të miturit, Fitim kodheli . Ai tha për mediat se, në kopsht ndodhet një fëmijë me çrregullimi të spektrit të autizmit dhe shpesh herë ka qenë rrezik për fëmijët.
“Atë ditë në kopsht ka qenë vetëm një edukatore. Madje në kopsht gjendet edhe një fëmijë autik dhe kjo duhet të verifikohet. Ka fëmijë autik brenda”, u shpreh ai.
Ndërsa, ata janë shprehur të bindur që këtë çështje nuk mund ta lënë me kaq, por do të vazhdojnë derisa përgjegjësit të vihen para drejtësisë.
Ngjarja e rëndë ka ndodhur 3 ditë më parë në Fier në kopshtin privat “Flatrat e dijes”. Prindërit e kishin çuar si çdo ditë në kopsht, por janë lajmëruar rreth mesditës se fëmija nuk ndjehet mirë. Kanë mbajtur frymën në spitalin pediatrik të Fierit, ku fatkeqësisht kanë mësuar se vogëlushi 3- vjeçar nuk jeton më. Nga hetimet paraprake dyshohet se i fëmija me mbiemër Kodheli ka humbur jetën aksidentalisht. Gjatë dëshmisë në polici, edukatorja ka thënë se fëmija ka mbetur i varur tek varësja e rrobave.
