Irvana Medinaj, 28-vjeçarja që u qëllua për vdekje nga bashkëshorti i saj Demokrat Medinaj përcillet sot për në banesën e fundit.
Familja e 28-vjeçares ka hapur dyert e mortit. E reja la dy fëmijë jetimë, ndërsa do të bëhej nënë për herë të tretë. Familjarët janë të shokuar nga kjo që ka ndodhur. Një i afërm shprehet për mediat se çifti shkonin mirë dhe nuk kishin probleme.
“Lajmin e kemi marrë në mënyra private edhe nga televizioni. Këto gjëra do shikohen më mbrapa. Kalonin shumë mirë”, shprehet ai.
Ngjarja e rëndë ndodhi mbrëmë në lagjen Sheq i Madh në Fier. Autori pasi qëlloi gruan me thikë dhe e la të vdekur në vend arriti që të arratisej pa shkuar policia.
