Mëngjesin e sotëm Vlora është “tronditur” nga një shpërthim me tritol I ndodhur në lagjen “Pavarësia” ku lënda plasëse ishte vendosur poshtë makinës luksoze të 31-vjeçarit Ermal Kasa. Fatmirësisht shpërthimi ka shkaktuar vetëm disa dëme materiale.
Kasa ishte zhvendosur për të jetuar në Vlorë prej pak kohësh, pasi punonte si ekonomist në një prej kazinove të qytetit bregdetar. Kasa është shprehur se konflikte me persona të tjerë nuk ka. Në vitin 2013 ai është arrestuar bashkë me Hysni Hoxhën në Itali pasi u kap me 900 kg kanabis.
31-vjeçari është nga Elbasani por ka treguar se prej disa kohësh jeton në qytetin bregdetar për shkak të punës si ekonomist në një lokal. Ngjarja ndodhi orët e para të së hënës, rreth orës 03.00 të mëngjesit ndërsa si pasojë e shpërthimit ka pasur vetëm dëme materiale.
Nga pamjet e siguruara nga vendi i ngjarjes, duket se automjeti është dëmtuar në pjesën e parme. Nuk dihen motivet e autorit/ve, ndërsa policia po heton për zbardhjen e rrethanave.
