Një ditë pasi u hodh nga kati i tretë i spitalit Infektiv, ka ndërruar jetë pacienti 69-vjeçar.
Reshat Grendi, i cili ishte duke marrë trajtim pasi ishte infektuar me Covid-19 mori dje aktin e rëndë duke u vetëhedhur. Ndërkohë paravarësisht përpjekjeve për ta shpëtuar, 69-vjeçari nuk ka mundur të mbijetojë. Ai ishte shtruar vetëm një ditë më parë në spitalin Covid-1.
Hedhja e 69-vjeçarit nga Fieri është rasti i katërt brenda pak kohësh. Më herët tre pacientë të tjerë kanë ndërmarrë aktin e rëndë duke u vetëhedhur nga Sanatoriumi.
Rasti i parë i vetëvrasjeve është regjistruar më 13 gusht, ku 29-vjeçari Xhino Koça nga Durrësi u hodh nga kati i tretë i “Shefqet Ndroqit” në gjendje të rënduar psikologjike, ku për pasojë ndërroi jetë. Ndërkohë, që në 2 shtator Hasan Mira, 65 vjeç, i dha fund jetës duke u hedhur nga kati i katërt i COVID 2 vetëm dy ditë pasi ishte shtruar aty. Ndërkohë rasti i tretë ishte ai i Preng Gjonajt, 52 vjeç, me origjinë nga Tropoja e me banim në Tiranë, u regjistrua në 1 nëntor sërish tek Sanatoriumi.
