Selim Muhamed Idriz, është 22-vjeçari nga Maroku që u gjet me gjymtyrë të ngrira në Librazhd. I riu mësohet se është pikasur në oborrin e xhamisë në fshatin Dragostunjë të Librazhdit, nga hoxha i fshatit, Fatmir Xhoxha. Këmbët e tij rezultojnë të jenë me djegie të plotë nga i ftohti i acartë.
Dy orë pas marrjes së ndihmës së nevojshme mjekësore, i riu është përmendur dhe ka deklaruar para policisë së prej katër ditësh kishte udhëtuar maleve nga Maqedonia e Veriut drejt Librazhdit.
“Kam udhëtuar katër ditë maleve nëpër dëborë nga Maqedonia e Veriut drejt Shqipërisë,”– mësohet të ketë thënë ai. Aktualisht ai ndodhet në reparin e djegieve në Tiranë për trajtim mjekësor më të specializuar.
