Media ka publikuar foton e 26-vjeçarit Faton Haxhaj, i cili u gjet i vdekur në banesën e tij në fshatin Greikoc i Komunës së Suharekës sot ka vdekur. Dyshohet që fillimisht 26-vjeçari është rrahur e më pas është qëlluar me kallashnikov. Pas plagëve të marra, ai ka ndërruar jetë rrugës për në Spitalin Rajonal të Prizrenit.
Policia ka gjetur armën e tipit AK47 rreth 20-30 metra afër shtëpisë së viktimës, që dyshohet të jetë përdorë në këtë rast.
“Pas marrjes së informatës, njësitë e Policisë kanë dalë në vendin e ngjarjes, në fshatin Greikoc të Suharekës dhe në një objekt përcjellës, 20 deri në 30 metra larg shtëpisë së viktimës, është gjetur një armë AK-47 e cila dyshohet se është përdorur në këtë rast. Në vendin e ngjarjes ka dalë edhe prokurori i shtetit dhe rasti është duke u trajtuar si “Vdekje e dyshimtë”, ka deklaruar Gashi.
Me urdhër të prokurorit trupi i pajetë i viktimës është dërguar për procedura të mëtutjeshme në Institutin e Mjekësisë Ligjore.
