Policia e Durrësit ka nxjerrë nga deti, të pajetë viktimën me inicialet V. B., 62 vjeç, banues në Durrës i cili vuante nga sëmundja e epilepsisë.
Sipas policisë, V.B. kishte veshur një xhaketë ngjyrë kafe, pantallona ngjyrë kafe, atlete ngjyrë blu, trup i shëndoshë, i thinjur dhe me flokë pjesërisht të rëna.
Nga veprimet e kryera nuk u konstatuan shenja dhune apo dëmtime të tjera dhe dyshohet se ka ndërruar jetë si pasojë e mbytjes në det. Trupi i pajetë është transportuar në morgun e spitalit të Durrësit.
