Nëna e 20-vjeçares nga Librazhdi që u filmua me të dashurin në dhomën e gjumit dhe më pas u dhunua nga vjehrri dhe vjehrra, ka thyer heshtjen në emisionin “Shqipëria Live”. Ajo ka treguar se vajza e tyre nuk ndodhet më me ata por është dërguar në Tiranë nën kujdesin e një shoqate për personat e dhunuar.
Ndër të tjera, nëna e 20-vjeçares tha se janë të detyruar të shpërngulen nga Librazhdi.
“Jemi jashtë mase keq, jemi në depresion të gjithë. Nuk e ngremë dot kokën lart. Videoja duhet të hiqet. Vajza ishte e sëmurë nuk e dinte se çfarë fliste në intervistë e morën me zor. Ne nuk e dhunuam vajzën. Ngelëm pa ndjenja. Nuk e dimë se çfarë është bërë. Vajza ka ikur në Tiranë, e ka marrë shoqata e Elbasanit nuk e dimë ku është. Ata persona që kanë nxjerrë videon duhet të ndiqen. Ne kërkojmë të ikim nga këtu të shpërngulemi, nuk jetohet më këtu”, tha ajo.
