Indrit Beqiraj, personi i cili u dhunua dhe u mor peng nga dy persona dy netë më parë në autostradën Durrës-Tiranë rezulton me precedent penale. Ai është vënë në pranga në vitin 2013, pasi u kap duke shpërndarë lëndë narkotike. Indriti, në atë kohë vetëm 22-vjeç u arrestua së bashku me të vëllanë, Gentjan Beqiraj.
Personat të cilët e morën peng në mes të autostradës nuk janë identifikuar ende. Beqiraj ishte duke udhëtuar me shokun e tij me motor drejt Durrësit në momentin që është zënë pritë nga dy makina.
Dy persona kanë dalë nga mjetet dhe kanë sulmuar fizikisht Beqirajn më pas e kanë marrë me vete. Policia nuk ka dalë ende me një njoftim zyrtar lidhur me ngjarjen në fjalë.
Pritet të merren në pyetje dhe të afërm ose familjar të 31- vjeçarit, për të zbuluar nëse është përfshirë në ndonjë veprimtari tjetër kriminale, apo në ndonjë konflikt.
