Biznesmeni italian Francesco Bechetti apelon vendimin e gjykatës shqiptare e cila e ka dënuar me 17 vite burg pas akuzës për ngritje të një skemë të mashtrimit me TVSH dhe pastrim parash. Mësohet se Becchetti ka paraqitur ankim në Gjykatën e Apelit ku pritet që të hedhë shortin. Becchetti akuzohet për veprat penale të “Fallsifikimit të dokumentave” kryer në bashkëpunim dhe më shumë se njëherë, “Vjedhjes duke shpërdoruar detyrën” kryer në bashkëpunim. Krijimi i skemave mashtruese lidhur me tatimin mbi vlerën e shtuar” dhe “Pastrimi i produkteve të veprës penale ose veprimtarise kriminale”.
Vendimi është apeluar edhe nga nëna e biznesmenit, Liljana Condomiti, e cila është dënuar me 8 vite burg, për veprën penale të “Pastrimit të produkteve të veprës penale ose veprimtarisë kriminale”. Po ashtu mësohet se ankimim pranë kësaj gjykate kanë bërë edhe personi juridik “Energy” sh.p.k, që akuzohet për veprën penale të “Pastrimit të produkteve të veprës penale ose veprimtarisë kriminale” kryer në bashkëpunim dhe “Për përgjegjësit penale të personave juridik”, “400 KV” sh.p.k si dhe “Agon Set” sh.p.k, për veprën penale të “Pastrimit të produkteve të veprës penale ose veprimtarise kriminale” kryer në bashkëpunim.
