I riu që gjeti vdekjen nga asfiksia, gjatë pastrimit të një pusi uji do të përcjellet për në banesën e fundit këtë të hënë. 28-vjeçari, Besnik Veliaj do të varroset në orën 13:00 në varrezat e fshatit Lofkënd në Mallakastër.
Ai së bashku me shokun e tij Bledar Bregu, u futën për të pastruar një pus uji, e që fatkeqësisht mbetën të asfiksiar.
Probleme shëndetësore nga asfiksia pati edhe zjarrfikësi Albens Zotaj, i cili pasi ka marrë ndihmën mjekësore është në gjendje të mirë shëndetësore.
Dy djemtë 28 dhe 33 vjeç, aksidentalisht ranë në pusin që po pastronin e nuk mundën dot të dilnin prej aty pa ndihmën e zjarrfikësve.
Edhe pse u transportuan për në spitalin e Fierit, 28-vjeçari Veliaj nuk mundi të mbijetonte, ndërsa shoku i tij vazhdon të jetë nën vëzhgimin e mjekëve.
