Nga qindra protestues që u shoqëruan me dhunë në komisariat, vetëm 5 prej tyre janë lënë të lirë. Bëhet me dije se gjykata ka caktuar masën e sigurisë “detyrim paraqitje” për pesë qytetarë që morën pjesë në protestën paqësore për rritjen e çmimeve në vend.
Masa e sigurisë ka qenë kërkesë e prokurorisë e cila i akuzon ato vetëm për 2 nga 4 akuzat e ngritura nga policia.
Protestuesit e liruar akuzohen nga prokuroria vetëm për ”prishje te qetësisë publike” dhe ”bllokim të qarkullimit te mjeteve të transportit”. Pjesa tjetër e protestuesve te arrestuar do dalin para gjykatës paraditen e se dielës.
Kujtojmë se, sot u mbajt dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
Ndërsa të rinjtë kanë dalë në mbrojtje të protestuesve të arrestuar.
“Lironi shokët tanë!” brohorasin të rinjtë.
“Nuk keni pranga, mjaftueshëm për ne!”, dëgjohet teksa bërtasin ata me megafon.
