Klajdi Buza është arrestuar sot nga policia e Krujës pasi qarkullonte me armë pa leje. Buza nuk është emër i panjohur për policinë, pasi në vitin 2015 ai denoncoi vjedhjen e makinës së tij “BMW X 5” me targa AA 987 BC.
Policia në atë kohë njoftoi se mjeti ishte gjetur i braktisur në vendin e quajtur ura e Gjoles në Fushë Krujë. Sipas bluve të Fushë Krujës rezulton se mjeti është vjedhur në Nikel të Krujës dhe është denoncuar në polici nga pronari Klajdi Buza. Dy personat, Astrit Hysa dhe Renata Isaku, u arrestuan si autorë të dyshuar të disa vjedhjeve në zonë.
Klajdi Buza u arrestua sot nga Forcat “Shqipnja” në Krujë në kuadër të operacionit të koduar “Flagranca”. 31-vjeçari u kap duke qarkulluar me armë në mjetin e tij tip “Porsche” nëpër qytet dhe pritet të përballet me akuzën për veprën penale “Mbajtja pa leje e armëve, armëve shpërthyese dhe e municionit”. Policia sekuestroi në cilësinë e provës materiale, 1 armë zjarri pistoletë, me fishekë në fole, të gatshme për qitje.
