Gjykata e Elbasanit ka lënë të lirë drejtorin e burgut të Lushnjes, Judmir Shurdhin si dhe kartelistin e këtij institucioni të vuajtjes së dënimit, Llazar Mino.
Shurdhi dhe Mino akuzoheshin për “Shpërdorimin Detyre” dhe “Falsifikim të dokumenteve”, pasi liruan para kohe nga burgu “tmerrin e Beratit”, Lulzim Cakajn.
Lajmin për arrestimin e punonjësve në burgun e Lushnjes e bëri të ditur vetë ministrja e Drejtësisë Etilda Gjoni, por Gjykata vendosi sot procedimin në gjendje të lirë për këta dy shtetas.
Ndërkohë që Lulzim Caka është shpallur në kërkim për të shlyer pjesën e mbetur të dënimit.
