Gjykata e Krimeve të Rënda ka dhënë sot masën e sigurisë “arrest me burg” për të ndaluarin në aeroportin e Rinasit, Elton Çarshiu i cili akuzohet për trafik prostitucioni.
Gjatë fjalës së tij në gjykatë, 40-vjeçari ka mohuar akuzat e ngritura ndaj ti ndërsa është shprehur se nuk ka dashur që ta trafikojë vajzën që u ndalua në aeroport.
Çarshiu u arrestua fundjavën e lënë pas si rezultat i operacionit të koduar “RETURN”.
Ishte policia kufitare e Rinasit e cila gjatë intervistimit të një 30-vjeçareje nga Fieri kanë dyshuar në argumentat e saj, mbi arsyen përse po lëvizte drejt Italisë duke bërë ndalimin e saj
Ndërsa Çarshiu i cili dyshohet si personi që do e shoqëronte, si fillim ka tentuar të largohet, por është bllokuar.
Në kërkim si të përfshirë në ngjarje janë edhe A. Ç., R. Xh., dhe K. Q., për të cilët vijon puna për tu vënë në pranga.
