Arrestohet në Greqi, Mikel Kasaj, i cili u arratis nga gjykata e Vlorës një vit më parë.
Sipas policisë greke, Kasaj u arrestua në Athine si pjesëtar i një grupi që akuzohet për grabitje të armatosura në pika karburanti dhe banesa.
Në këtë operacion u arrestuan gjithsej 6 shtetas shqiptarë dhe 2 grekë.
Gjatë operacionit policia sekuestroi ndër të tjera një automatik kallashnikov, dy pistoleta dhe një revolver, si dhe një sasi prej më shumë se 1 kg kanabis.
Kujtojmë se Kasaj u arratis nga gjykata e Vlorë mëngjesin e 23 majit të një viti më parë. Ai iku me vrap nga salla e gjyqit pasi dëgjoi dënimin.
