Në adresën e 27.al ka mbërritur një video ku duket se në mes të Tiranës del tym e zi që padyshim është me dëme të pariparueshme për jetët tona e të fëmijëve tanë.
Në mes të Tiranës, pranë Qytetit të Nxënësve, një fabrikë nxjerr tym të zi çdo ditë dhe asnjë masë nuk është marrë për të ndaluar këtë ndotje të vazhdueshme të mjedisit. Në videon bashkëngjitur duket qartë se zona në të cilën ndodhet fabrika është një zonë e populluar dhe fatkeqësisht banorët marrin çdo ditë dozën e tymit të zi e s’kanë asnjë derë ku të ankohen se askush nuk i dëgjon. Kohë fushate dhe për ambientin nuk ka kohë ndaj dhe plas tymi i zi mes kryeqytetit duke shkatërruar pak nga pak e ditë pas dite, jetët tona.
Ndërkohë, në fshatin Marikaj të Vorës, pranë autostradës Tiranë-Durrës një tjetër fabrikë nxjerr tym të zi ditë e natë. Banorët thonë se fabrika e përpunimit të bakrit dhe aluminit u ka shkaktuar probleme shëndetësore ndaj do të tubohen duke bllokuar autostradë Tiranë-Durrës. Në njoftim thuhet se protesta zhvillohet të hënëne javës që vjen në orën 09:00. Në videon që një qytetar ka dërguar në Opinion.al duket qartë ndotja e madhe në mjedis që shkakton kjo fabrikë që nxjerr shtëllunga të mëdha tymi në një zonë të populluar. Banorët thonë se kanë njoftua policinë, bashkinë dhe institucione të tjera por asnjë masë nuk është marrë ndaj kanë vendosur të bllokojnë rrugën në shenjë proteste.
