Është prezantuar nga kompania shtetërore turke e armatimeve Baykar “bisha” e re, avioni luftarak pa pilot (MIUS), e emëruar si “Bayraktar Kizilelma”. Ndërkaq, nga kreu i kompanisë Baykar Teknoloji, Selçuk Bayraktar janë publikuar dhe fotot e para me pamjen e lyer me bojë të avionit pa pilot “Bayraktar Kizilelma” (Molla e Kuqe).
Në një postim nga Tëitter, Bayraktar tha se “Fotografia e parë e ‘Bayraktar Kızılelma’ në formën e tij të lyer. Ushtaraku i lartë Ergin Saygun, xhaxha Ömeri dhe kryetari Köseoğlu…”.
Sipas përshkrimit të zyrtarëve, “Bayraktar Kızılelma” me manovrat e tij agresive dhe inteligjencën artificiale të avancuar, do të jetë në të ardhmen ndër elementët më të fortë të forcave të sigurisë në fushën e betejës.
Gjithashtu “Bayraktar Kızılelma”, do të ketë aftësinë për t’u ulur dhe ngritur nga anije me pistë të shkurtër si ajo “TCG Anadolu” që Turqia ka ndërtuar, dhe falë kësaj aftësie do të luajë një rol të rëndësishëm në misionet jashtë vendit.
Dronët turkë kanë qenë forca kryesore ajrore e Ukrainës në konfliktin aktual me Rusinë.
