Seanca parlamentare ka nisur me debate të ashpra mes deputetit demokrat Edmond Spaho dhe kolegëve të maxhorancës. Kjo pasi Partia Demokratike dhe deputetët e Komisionit të Rithemelimit, kanë kërkuar interpelancë dhe mocion me debat me kryeministrin Edi Rama për situatën ekonomike, por kjo nuk është futur në rendin e ditës duke ngjallur debat.
Në fjalën e tij, Spaho është ndalur edhe tek protesta e qytetarëve të cilët Rama i cilësoi si të turpshme duke thënë se turp është fakti që qeveria gënjen qytetarët me faturat.
“Ministrja ju thotë mos blini bukë me makinë. Kryeministri thotë çmimi do vazhdojë të rritet. E sfidon popullin. Dhe qershia mbi tortë thotë ministrja se e kam në dorë të lëviz me makinë, ju lëvizni në këmbë thotë. Këto janë këshillat që japin qeveritarët. Turp t’i vijë kryeministri se Ukraina është në luftë dhe çmimet nuk rriten. Se nuk ka shtet këtu. Turp t’i vijë kryeministri ku familjarët e ministrave bëjnë tregti me rusët. Turp t’i vijë se për 10 vjet s’ka rritur pensionet, po mashtroni qytetarët me fatura” tha Shehu.
