Pas rastit të Pogradecit, një tjetër ngjarje e rëndë trondit turizmin.
Tre persona janë arrestuar sot në Durrës, si autorët e grabitjes së makinës së një shqiptari nga Maqedonia e Veriut me banim në Zvicër, i cili kishte ardhur për pushime, detaje të reja mësohen për ngjarjen.
Shtetasit Kastriot Ramazani, Hamid Skuqi dhe Gazmend Doçi kanë vjedhur makinën, në momentin që drejtuesi i saj kishte ndaluar për të blerë diçka në market.
Ai e ka lënë makinën të hapur dhe të ndezur, pasi brenda saj e priste bashkëshortja, shtetase e huaj.
Autorët nën kërcënimin e armës kërcënuan gruan që t’u japë paratë dhe të zbriste nga makina. Ajo iu bind agresorëve dhe ata u larguan me mjetin e çiftit.
“Këta shtetas në bashkëpunim me njëri-tjetrin i vodhën nën kërcënimin e armës, automjetin luksoz dhe 6000 franga një shtetasi me banim në Zvicër, i cili kishte ardhur për pushime në Durrës”,- njoftoi policia.
Policia u vu në ndjekje të tyre, ndërsa autorët e braktisën mjetin në një rrugë në një fshat të Kavajës.
https://www.facebook.com/policiashtetitshqiptar/videos/290701348891752/
