Gjatë konferencës së përbashkët në Bypass-in e Vlorës me komisionerin e BE-së, Oliver Varhelyi, kryeministri Edi Rama ka komentuar dhe boshatisen e plazheve të jugut në pikun e sezonit turistik. Rama tha se pronarët e objekteve që vendosin çmime të larta e pësojnë vetë dëmin, ndërsa theksoi se është një leksion i mirë për ta.
“Flasim për vizitorë të huaj. Dhe numri i 6 mujorit të parë është shumë më i lartë se në vitet e shkuara. Nëse ka vërtetë problem me çmimet e larta. Është për t’u parë në fund. Sigurisht që kush vendos çmim të lartë dhe nuk i vjen njeri. Ky është një dëm që e paguan vetë dhe jo shteti.
Do jetë mësim i mirë, për të kuptuar se për të qenë konkurrues, në një rajon që ka destinacione të afërta, duhet menduar mirë përpara se të ngrihen çmimet. Po qe kështu do jetë mësim i madh për sezonin tjetër” tha Rama.
