Komandanti i kontingjentit shqiptar në Letoni, major Klodian Tanushi, i rënë në krye të detyrës në misionin e NATO në vendin baltik, u përcoll me nderimet më të larta ushtarake nga kolegët e tij.
Trupi i major Tanushit ka mbërritur në këto momente në aeroportin “Nënë Tereza”, ndërsa po pritet me nderime ushtarake përpara se të dërgohet pranë familjes.
Homazhet për komandantin e kontingjentit shqiptar në Letoni, do të zhvillohen ditën e enjte në Muzeun Historik Kombëtar nga ora 10:00 – 12:00.
Pas kryerjes së homazheve dhe ceremonisë shtetërore, major Tanushit do t’i jepet lamtumira e fundit në Varrezat e Dëshmorëve në Tiranë, ku do të prehet përjetësisht.
https://www.facebook.com/Ora.News.RTV/videos/303642560550430/?notif_id=1557919075227557¬if_t=live_video
blob:http://www.oranews.tv/a3b88fbc-e87e-4df2-af00-6c80d92e45d3
