Presidenti Donald Trump ka reaguar pas fitores së Joe Biden. Trump shprehet se e vërteta është se zgjedhjet nuk kanë përfunduar akoma.
Deklarata u lëshua ndërsa Trump ishte duke luajtur golf në klubin e tij në Virxhinia.
Duke komentuar rezultatin, në tekst citohet që Trump të jetë shprehur: “Të gjithë e dimë pse Joe Biden po nxiton që të pozojë në mënyrë të rreme si fitues, dhe pse gjithë mediat e tij aleatë po përpiqen kaq shumë ta ndihmojnë: ata nuk duan që e vërteta të ekspozohet. Fakti i thjeshtë është që këto zgjedhje nuk kanë mbaruar. Joe Biden nuk është certifikuar si fituesi i asnjë shteti, e lëre më ndonjë nga shtetet mjaft të kontestuara që drejtohen për rinumërime të detyrueshme, ose shtetet ku ekipi jonë ka sfida ligjore të vlefshme dhe të ligjshme që mund të përcaktojnë fituesin përfundimtar. Për shembull, në Pensilvani, vëzhguesve tanë ligjorë nuk u lejohej hyrja për të parë procesin e numërimit. Votat ligjore vendosin se kush është president, jo lajmet e mediave.
Duke filluar nga e hëna, ekipi jonë do të fillojë ndjekjen penale të çështjes sonë në gjykatë për të siguruar që ligjet zgjedhore të përkrahen plotësisht dhe fituesi i ligjshëm të shpallet. Populli Amerikan ka të drejtë për një zgjedhje të ndershme: kjo do të thotë të numërosh të gjitha fletët e votimit të ligjshme, dhe të mos numërosh asnjë fletëvotim të paligjshëm. Kjo është mënyra e vetme për të siguruar që publiku të ketë besim të plotë në zgjedhjet tona. Mbetet tronditëse që ekipi i Biden nuk pranon të pajtohet me këtë parim themelor dhe dëshiron që fletët e votimit të numërohen edhe nëse ato janë mashtruese, të prodhuara ose të hedhura nga votues të pazgjedhshëm ose të vdekur. Vetëm një palë e angazhuar në keqbërje do të mbante në mënyrë të paligjshme vëzhguesit jashtë dhomës së numërimit – dhe pastaj të luftonte në gjykatë për të bllokuar hyrjen e tyre. Pra, çfarë po fsheh Biden? Unë nuk do të pushoj derisa populli amerikan të ketë numrin e ndershëm të votave që meriton dhe që Demokracia kërkon”.
