“Mbretëria e Bashkuar do të jetë më mirë pa Bashkimin Evropian”.
Kështu ka thënë kandidati për president i Shteteve të Bashkuara, Donald Trump.
Duke folur për televizionin Fox News, Trump ka thënë se kriza me emigrantët “ka qenë një gjë e tmerrshme për Evropën”.
Ai fajësuar BE-në për krijimin e kësaj krize.
Trump ka thënë se nuk jep “rekomandime”, por se “ndjen” se britanikët duhet të votojnë për ndërprerjen e lidhjeve me BE-në në referendumin e 23 qershorit.
Trump ka disa biznese në Britani.
Në anën tjetër, presidenti demokrat i Shteteve të Bashkuara, Barack Obama, u ka bërë thirrje britanikëve që të mbeten brenda BE-së.
