Asgjësohen 232 bimë narkotike kanabis në një parcelë në Tropojë. Bimët narkotike u gjetën gjatë kontrollit të ushtruar në vendin e quajtur “Sopot”, në afërsi të lumit Bushtricë.
Policia arrestoi pronarin e parcelës Besnik Kortoçi, 55 vjeç, banues në qytetin e Bajram Currit.
Ndërkohë forcat policore filluan procedimin penal në gjendje të lirë për shtetasin S.A., 63 vjeç, banues në fshatin Babinë, i cili e kishte në përdorim për bagëtitë parcelën e Kortoçit.
Materialet i kaluan Prokurorisë së Rrethit Gjyqësor Tropojë për veprime të mëtejshme, për veprën penale “Kultivimi i bimëve narkotike”.
