Gjykata e Durrësit ka liruar nga burgu 36-vjeçari Arlen Hasanaj i cili u arrestua si autor i dyshuar për vendosjen e lëndës plasëse në shtëpinë e presidentit të FSHF, Armand Duka.
Gjykata ka pranuar kërkesën e avokatit për ndryshim të masës së sigurisë nga arrest në burg në detyrim paraqitje, pasi pala mbrojtëse paraqiti provat e grumbulluara.
Ngjarja ndodhi pak pas orës 22:00 të 25 janarit, ku nga pamjet e kamerave të sigurisë, shihet i riu që ndez fitilin e lëndës plasëse dhe më pas largohet me vrap. Vetëm pak çaste pas shpërthimit në zonë shfaqet policia.
Vetë Duka, pak minuta pas ngjarjes deklaroi se e ka parë autorin nga kamerat e sigurisë, i cili ishte shfaqur i maskuar me kapuç dhe më pas është larguar me shpejtësi. Nga shpërthimi i lëndës plasëse nuk pati dëmtime të mëdha, ndërsa kreu i FSHF Armand Duka dyshon se këto ngjarje kanë të bëjnë me zhvillimet e fundit për sa u përket zgjedhjeve në Federatën Shqiptare të Futbollit dhe ndërhyrjen e politikës në to.
