Tritoli në banesën e policit në Shkodër, del fotoja e efektivit

Një shpërthim i fuqishëm tritoli tronditi fshatin Hoti i Ri, në Shkodër ku shënjestër ishte banesa e një efektivi. Gijotina.com ka siguruar foton e policit Pëllumb Vukaj, në banesën e të cilit u vendos lënda plasëse.
Pas kësaj ngjarje të rëndë efektivit i policisë Pëllumb Vukaj deklaroi se dyshimet e tij janë se vendosja e tritolit mund të jetë për shkak të detyrës, por nuk ka një ide konkrete se kush mund të jetë por këtë ngjarje e lidh me punën e tij. “Nuk e di se kush mund të jenë autorët sepse nuk kam pasur konlikte ose kërcënime të drejtpërdrejta. Ajo që dyshoj është se mund të ketë ardhur për shkak të detyrës time”.
Familjarët e tij dhe ai ishin në gjumë në momentin e shpërthimit të fuqishëm ndërsa fatmirësisht pati vetëm dëme materiale dhe jo të lënduar. Pëllumb Vukaj punon prej 27 vitesh në policinë e shtetit dhe ndër këto vite ka pasur detyra të ndryshme që nga aksionet e drogës, hetimet e vrasjeve dhe hetime të tjera të ngjarjeve të rënda. Dyshimet e policisë vendore të Shkodrës për momentin janë për shkak të hetimeve që Vukaj ka bërë për aksione të ndryshme droge, arrestimin e personave të ndryshëm që janë marrë më kultivimin dhe trafikimin e kanabisit.