Nga Julian Hoxhaj
Atë që nuk e bën politika, e bëjnë tre të rinj patriot nga Lugina e Preshevës. Leoneta Abdyli nga Bujanoci, si dhe Fitore Fejzullahu dhe Enis Abazi nga Presheva, për tre ditë kanë hapur një ekspozitë me piktura, skulptura dhe foto, të cilat kanë pasur në fokus Pavarësinë Kombëtare.
Leoneta Abdyli, studente e Akademisë së Arteve në Prishtinë, njëra prej tre artistëtve të rinj, organizator të ekspozitës, thotë se ky prezantim ka qenë me motive kombëtare.
“Temat kanë qenë të ndryshme. Secili artist ka ekspozu dicka të vetën. U nis për këtë muaj, shkaku është muaji i festave. Në ekspozitë kanë qenë pjesëmarrës të gjithë nga Lugina, por edhe profesorët që janë nga Presheva, por që jetojnë në Prishtinë. Ata na kanë mbështetur shumë, ka pasur piktura me flamur kombëtar.
Ka qenë mjaftë mirë ka pasur publik. Jemi tre të rinj që e kemi organizuar këtë. Qëllimi ka qenë me i bashku artistat e luginës me ekspozitë, kjo ekspozitë do të bëhet edhe në vende të tjera. Kjo është hera e parë që mbahet një ekspozitë kaq e madhe. Kemi pasur mysafir special nga Presheva, Kosova, Maqedonia dhe Shqipëria dhe përshtypjet kanë qenë mjaft të mira”-shprehet studentja e pikturës nga Lugina e Preshevës.
