Në një komunikim me demokratët live në Facebook, Rama hodhi poshtë pretendimet e disa komentuesve që thonë se ai u argëtua me atë çka ndodhi dje në selinë e PD. Madje ai ka hedhur akuza ndaj ish-kryeministrit Sali Berisha, duke e etiketuar atë si plaku që mishëron dhunën për të përçarë shqiptarët
“Këtu është e domosdoshme që të gjithë të bëjmë gjithçka, për paqe dhe urtësi dhe kjo ndarje e thellë, kjo përçarje që i pari plaku e ka mishëruar që ditën e parë si një mjet për ti përçare dhe sunduar shqiptarët dhe që i dyti, pasardhësi i marrë me dorë dhe i vendosur si hija e plakut e ka vazhduar si një instrument politik përça e sundo, pa arritur kurrë të sundojë, siç i pari arriti në dy momente duhet parë me sy të hapur nga të gjithë shqiptarët”, është shprehur Rama.
Sipas Kryeministrit dhuna që pamë dje nuk tolerohet për asnjë lloj arsye, aq më pak nga një parti e cila kërkon demokracinë dhe aq më keq kur kjo përplasje ndodh për një karrige. Ndërsa ka kujtuar se ata që kanë ushtruar dhunë nga të dyja palët do të mbajnë përgjegjësi.
