Trashëgimtari i gjigandit të elektronikës Samsung, Lee Jae Yong pritet të paditet zyrtarisht për një seri akuzash, përfshirë këtu dhënie ryshfeti dhe përvetësim.
Zyra e prokurorit njoftoi se, akuzat ndaj trashëgimtarit të Samsung bien edhe mbi 4 drejtorë të tjerë të kompanisë.
Kolosi i teknologjisë akuzohet se ka dhënë donacione për organizata jofitimprurëse të kontrolluara nga një mikeshë e presidentes, në këmbim të favoreve qeveritare.
Ai u arrestua më herët gjatë muajit teksa prokurorët përgatisnin padinë ndaj tij. Ata e akuzojnë se ka dhuruar donacione me vlerë 36 milionë dollarë organizatave, për të siguruar në këmbim mbështetje qeveritare për ristrukturimin e kompanisë.
