Një aksident tragjik është regjistruar rreth orës 11:20 në rrugën “Kastriotët” në Tiranë, ku një automjet me drejtues ende të paidentifikuar ka përplasur një të mitur rreth 7 vjeç. Pas përplasjes, drejtuesi i mjetit është larguar nga vendi i ngjarjes, duke e lënë fëmijën të plagosur rëndë në rrugë.
I mituri është transportuar me urgjencë drejt spitalit, por fatkeqësisht nuk ka mundur t’u mbijetojë plagëve të marra dhe ka ndërruar jetë. Ngjarja ka tronditur zonën dhe ka ngritur shqetësime për sigurinë rrugore, veçanërisht në zona të banuara.
Grupi hetimor ndodhet në vendngjarje dhe po punon për identifikimin dhe kapjen e drejtuesit të automjetit, si dhe për zbardhjen e plotë të rrethanave të aksidentit.
Njoftimi I policise
Tiranë/Informacion paraprak
Rreth orës 11:20, në rrugën “Kastriotët”, një automjet me drejtues ende të paidentifikuar, ka përplasur një shtetas të mitur rreth 7 vjeç, dhe më pas është larguar nga vendi i aksidentit.
Si pasojë, i mituri ka humbur jetën në spital.
Grupi hetimor po punon për identifikimin dhe kapjen e drejtuesit të automjetit, si dhe për sqarimin e rrethanave të aksidentit.
