Dy fëmijë binjakë të moshës 5 muajsh kanë gjetur vdekjen mëngjesin e sotëm në Berat.
Mësohet se binjakët, të dy djem, kanë mbërritur të vdekur në Repartin e Pediatrisë të Spitalit Rajonal Berat rreth orës 09:00 të mëngjesit të sotëm.
Foshnjat R.Agalliu dhe R.Agalliu janë dërguar në Mongun e spitalit, ku i janë nënshtruar autopsisë mjeko-ligjore.
Nga autopsia nuk ka rezultuar të ketë pasur shenja helmimi në trupin e fëmijëve,edhe pse prindërit kanë pasur dyshime se fëmijët mund të jenë helmuar nga qumështi me kuti,me të cilin nëna i ushqente që nga dita e lindjes.
Dyshohet se foshnjet mund të kenë gjetur vdekjen si pasojë e mungesës së ajrit në dhomë, ndërkohë që kanë dërguar për ekzaminim në Tiranë analizat e foshnjave dhe janë në pritje të përgjigjes së tyre, për të zbuluar shkaqet e vdekjes.
Ajo pohon se, i kanë dërguar menjëherë në spital por fëmijët ishin të vdekur. Natasha shprehet,se fëmijët nuk ishin të sëmurë,asnjëri prej tyre nuk kishte shfaqur shenja virozash apo temperaturë dhe askush nuk e kuptoi dot shkakun se përse vdiqën papritur foshnjat.
Natasha u shpreh se,prindërit e foshnjave binjake,pas autopsisë,i kanë varrosur që sot fëmijët në varrezat Suelasit.
