Një ngjarje e rëndë u shënua mbrëmjen e kësaj të mërkure në Elbasan, ku një 25-vjeçar mbeti I vrarë pas një sherri për motive banale.
Por si të mos mjaftojë humbja e madhe, për familjen e Madrit Ulqinakut kjo është tragjedia e dytë që ndodh, pasi në vitin 1997 në kohën e trazirave në Shqipëri, është vrarë edhe vëllai i tij.
Madrit Ulqinaku është qëlluar disa herë me armë nga një 20-vjeçar, pas një sherri për arsye banale që kanë pasur, ku janë përfshirë disa të rinj.
Autori dhe viktima kanë pasur një sherr banal, jashtë ambienteve të një lokali. Më pas në sherr janë përfshirë edhe disa persona të tjerë për të qetësuar gjakrat, por më pas 20-vjeçari ka marrë armën dhe ka qëlluar për vdekje Ulqinakun.
Policia është vënë në ndjekje të autorit të krimit, ndërsa mësohet se është lokalizuar edhe zona ku mendohet se është fshihet, ndërsa mendohet se ai është ndihmuar nga disa persona për t’u larguar nga vendngjarja.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes.
