Lidhur me ngjarjen e rëndë që ndodhinnë fshatin Breg të Pukës, ku një banesë u përfshi nga zjarri dhe për pasojë humbën jetën çifti i bashkëshortëve, Petrit e Dava Ndoj 40 dhe 35 vjeç. Pas ngjarjes së rëndë, i zoti i shtëpisë, Pal Gjoni ka treguar tmerrin që ka parë.
I moshuari shprehet se ka thirrur djalin për të shpëtuar gruan e paralizuar, por kjo thirrje nuk u dëgjua asnjëherë pasi ai së bashku me bashkëshorten ndërruan jetë duke lënë pas katër fëmijë jetimë.
“Kam dëgjuar tjegullat që kërcisnin kur me doli gjumi. Jam zgjuar shpejt, kisha hallin e fëmijëve. I kam thirrur djalit qe të nxirrte gruan që e kam të paralizuar. Ai nuk mu përgjigj kurrë më. U gëzova kur pashë që fëmijët ishin në oborr. Ajo që më ndodhi mua, mos i ndodhtë askujt”, tha i moshuari.
