Pas disa orësh, më në fund kryeministri Rama u kujtua të reagojë në lidhje tragjedinë në Himarë, ku polici vrau me skaf një fëmijë 7 vjeç. Përmes një postimi në Facebook, Rama ka kërkuar që autorit t’i jepet dënimi më ekstrem. Por, nga ana tjetër nuk ka ngurruar të sulmojë sërish median edhe në këto raste.
“Tragjedia e familjes së të miturës në Himarë është rrëqethëse dhe s’ka fjalë ngushëlluese për dhimbjen. Uroj që fajtori të marrë ndëshkimin më ekstrem nga drejtësia dhe drejtuesit e Policisë së Shtetit të nxjerrin mësimet e duhura e t’u japin mësimin e duhur trupave përgjegjëse! Nuk mungoi as në këtë rast kafshëria politiko-mediatike e atyre që urojnë e presin veç fatkeqësi, për të ushqyer zjarrin e luftës së tyre politike të paudhë dhe të pashpresë”, shkruan Rama. Ky reagim i tij vjen i vonuar pas asaj ngjarje që ka tronditur mbarë opinionin, ndërsa kujtojmë se pak më herët kreu i Policisë, Nano, lau duart vetëm me një përjashtim nga detyra të policit.
