Pamjet dhe informacionet që vijnë nga familjet e ngecura në Ukrainë janë një tragjedi e vërtetë. Fëmijë të sëmurë dhe njerëz të plagosur po mbeten pa ujë dhe pas ushqime në bodrumet e ndërtesave, ku fshihen prej më shumë se një jave. Frika po rritet për civilët e bllokuar në qytetet e rrethuara jugore të Ukrainës, Mariupol dhe Volnovakha, ndërsa sulmi nga forcat ruse vazhdon.
Një burrë, i cili u arratis nga Volnovakha dy ditë më parë, ka raportuar në mediat e huaja për kushtet në pjesë të qytetit, ku ai kaloi ditë të tëra duke u fshehur në një bodrum. “Njerëzit janë atje për 11 ditë tani. Disa dolën, por rreth 450 janë ende atje,” tha ai, duke shtuar se ai nuk ka pasur asnjë komunikim me njerëzit që kur u largua, dhe ata janë ende atje me sa di ai.
Ndërsa theksoi se ata nuk do mund të mbijetojnë dhe shumë gjatë në ato kushte, sidomos fëmijët dhe ata që janë të sëmurë. “Njerëzit janë të sëmurë. Nuk ka tualet. Vajzat dhe gratë përdorin një kovë për tualet dhe e nxjerrin jashtë kur nuk ka granatime. Ushqimi dhe uji janë shumë të kufizuara, paralajmëroi ai, dhe bodrumi merr ajër të pastër vetëm kur nuk ka granatime, gjë që është e rrallë. Ka erë të madhe gjatë gjithë kohës. Fëmijët po vjellin. Nuk ka vend ku të shtrihen në mënyrë që njerëzit të flenë ulur”, tha ai. Madje edhe për mediat shqiptare janë prononcuar disa ukrainas dhe kanë treguar se sëbashku me fëmijët e vegjël flenë në bodrume dhe situata vështirësohet gjithmonë e më shumë.
