Pas deklaratave të tij për tragjedinë e Himarës, gazetari Blendi Fevziu është përfshirë në një debat online pas publikimit të një fotoje ku shihej duke zbritur nga një skaf në bregdet. Drejtuesi i emisionit “Opinion”, përmes një postimi në rrjetet sociale ka vendosur të sqarojë të gjithë ndjekësit të tij, duke u shprehur se fotoja në fjalë është shkrepur në 18 dhe 19 korrik, kur po realizonte disa dokumentarë për plazhet e jugut.
Më tej, gazetari thekson se nuk tërhiqet nga qëndrimi i tij përsa i përket vrasjes së 7-vjeçares Jonada Avdia nga polici Arjan Tase, shumë pranë bregut të detit.
“Disa prej miqve të mi në rrjete sociale po më nisin këtë foto. I falenderoj dhe po bëj një shpjegim të shkurtër dhe një autokritikë. Në datën 18 dhe 19 Korrik emisioni Opinion ka realizuar një emision nga deti për gjiret dhe strukturat më te bukura ose me të veçanta turistike të jugut të Shqipërisë.
Kemi ndaluar në Palasë, Himarë, Borsh, Kakome, Kep Merli, Ksamil dhe Ishulli Tonga. Në fund të gushtit do merremi me plazhet e veriut. Të dy emisionet do shfaqen në shtator. Prej këtij udhetimi kam bërë me dhjetra postime. Në foto, në Gjirin e Krorezës, dukem unë, një nga kameramanët dhe gazetarja e emisionit opinion.
View this post on Instagram
Regjisori dhe kameramani tjetër po na xhirojnë. Kemi përdorur të njëjtin mjet që kemi perdorur edhe vjet e parvjet. Sepse është një mjet që mundëson zbritjen e kameramanit më lehtë. Çdo dalje ka qenë e rakorduar me pikat ku do xhironim. Po nis edhe ca foto nga këto 2 ditë.
Në Gjipe e Bunec nuk dolëm dot sepse s’kishte mundësi. Siç e kam thënë edhe në tv, ky udhëtim me ndihmoi të shoh çfarë ndodh në det. Ky ishte shpjegimi. Tani për të gjithë ata që janë të irrituar që kam bërë kritika për gjendjen e deteve. Që kam bërë kritika për banditët që shkelin çdo ligj.
Për fëmijët e pasanikëve (ata problematikë s’e kam shumë prej tyre model) që shkelin ligjin. Që e ndjeva thellë humbjen e një jete. Që promovoj turizmin në jug e në veri, atyre skam ç’ju bëj. Nuk i ndihmoj dot.”, është shprehur gazetari në rrjete sociale.
