Ka qenë një armë që aktori po e përdorte gjatë xhirimit të filmit. Pistoleta mendohej të ishte e mbushur me plumba manovër, por duket dikush ka bërë një gabim tragjik.
Halyna Hutchins, 42 vjeç, drejtorja e fotografisë së filmit është transportuar me helikopter në spitalin Universitetit të New Mexico, ku u shpall e vdekur. Viktima e dytë është regjizori Joel Souza, 48 vjeç, i cili ndodhet në terapi intensive.
Kështu ka deklaruar zyra e shtypit e sherifit të Kontesë Santa Fe. Hetimet ende nuk kanë ngritur një akuzë për Alec Baldwin. E përditshmja “Santa Fe New Mexican” shkruan se Baldwin është parë jashtë zyrave të sherifit. Një zëdhënës i aktorit ka thënë se bëhet fjalë për një aksident në sheshin e xhirimit, ku arma duhet të qe e mbushur me fishekë manovër, por në fakt ka qenë krejt e kundërta.
