34 persona kanë humbur jetën në Rusi pas një helmimi masiv me alkool ilegal, ndërsa 24 të tjerë ndodhen në spital në gjendje të rëndë. Ngjarja ndodhi në rajonin e Orenburgut pas vdekjeve të njëpasnjëshme javën e kaluar nga helmimi masiv.
10 persona janë arrestuar deri tani lidhur me ngjarjen, pasi dyshohet se kanë shitur alkoolin e paligjshëm. Shtatë nga personat që po trajtohen në spital janë në gjendje të rëndë dhe katër janë në ventilatorë. Policia kapi rreth 2,000 shishe alkooli të Shtunën dhe tha se kishte konfirmuar se shishet përmbanin metanol, i cili është toksik.
Rastet masive të helmimeve nga alkooli kanë tronditur vendin në të kaluarën. Në vitin 2016, 77 njerëz vdiqën në Siberi nga pirja e një lloj alkooi të paligjshëm.
