Personi që shihni në foto është Ergys Dashi, 34-vjeçari nga Durrësi që u vra të shtunën mbrëma në Guayaquil të Ekuadorit.
Në drejtim të Dashit u qëllua me breshëri plumbash dhe ai gjeti vdekjen në vend. Në restorantin ku ai po darkonte në Avenue José Joaquín Orrantia, u futën dy autorët dhe hapën zjarr në drejtim të tij.
Një prej tyre mbante një buqetë me lule në dorë, kurse tjetri qëlloi në drejtim të 34-vjeçarit i cili mori disa plumba në pjesën ballore të kafkës. Fillimisht ata u ndaluan në hyrje të lokalit nga personeli që u kërkoi certifikatë vaksinimi, por këta të fundit u detyruan të tërhiqen pasi panë se burrat ishin të armatosur.
Pasi kryen ekzekutimin, autorët u larguan me motor dhe hapën sërish zjarr në drejtim të restorantit.
