Kryeministri Edi Rama nis të enjten turin dyditor në vendet e Ballkanit Perëndimor në kuadër të asaj që e quajti si rigjallërimi i “Procesit të Berlinit”.
Ndërsa njoftoi përfundimin e misionit të “Open Balkan”, Rama u shpreh për nisjen e një turi takimesh me liderët e vendeve të Ballkanit Perëndimor.
Kështu Rama do të vizitojë Prishtinën, Beogradin, Podgoricën, Sarajevën dhe Shkupin ku pritet të zhvillojë takime dypalëshe me homologët apo presidentët e këtyre vendeve.
E ndërsa në Prishtinë, sipas raportimeve, Kryeministri Albin Kurti ka deklaruar se do të takojë kokë më kokë Edi ramën, vetëm pasi të zhvillohet mbledhja e përbashkët mes dy qeverive, e anuluar në mënyrë të njëanshme nga Qeveria e Tiranës, duket se Vjosa Osmani është e gatshme të ulet për të biseduar me Kryeministrin e Shqipërisë.
Osmani duket se do të “tradhëtojë” Kurtin, i cili po i qëndron linjës së tij në raport me Edi Ramën, i cili gjatë javëve të fundit ka ushtruar jo thjesht presion, por ka artikuluar akuza ndaj Kryeministrit të Kosovës, duke e fajësuar për mënyrën se si menaxhoi situatën në Veriun e Kosovës, pas nisjes së tensioneve.
Pak ditë më parë, Osmani dhe Rama ishin të pranishëm në Ulqin, duke u bërë bashkë në koncertin e tenorit me famë botërore Ramë Halaj. Në media u publikuan foto nga takimi që Osmani dhe Rama, por edhe pjesëmarrës të tjerë të pranishëm në këtë koncert.
Nuk dihet sa rezultativ mund të jetë takimi kokë më kokë mes Ramës dhe Osmanit, apo se sa kjo e fundit mund të ndikojë në një “zbutje” të raporteve mes dy kryeministrave, por Presidentja e Kosovës duket se i ka mbajtur një “dritare” të hapur Kryeministrit të Shqipërisë për të vizituar Prishtinën në kuadër të turit ballkanik.
Kryeministri Edi Rama nis të enjten turin dyditor në vendet e Ballkanit Perëndimor në kuadër të asaj që e quajti si rigjallërimi i “Procesit të Berlinit”.
Ndërsa njoftoi përfundimin e misionit të “Open Balkan”, Rama u shpreh për nisjen e një turi takimesh me liderët e vendeve të Ballkanit Perëndimor.
Kështu Rama do të vizitojë Prishtinën, Beogradin, Podgoricën, Sarajevën dhe Shkupin ku pritet të zhvillojë takime dypalëshe me homologët apo presidentët e këtyre vendeve.
E ndërsa në Prishtinë, sipas raportimeve, Kryeministri Albin Kurti ka deklaruar se do të takojë kokë më kokë Edi ramën, vetëm pasi të zhvillohet mbledhja e përbashkët mes dy qeverive, e anuluar në mënyrë të njëanshme nga Qeveria e Tiranës, duket se Vjosa Osmani është e gatshme të ulet për të biseduar me Kryeministrin e Shqipërisë.
Osmani duket se do të “tradhëtojë” Kurtin, i cili po i qëndron linjës së tij në raport me Edi Ramën, i cili gjatë javëve të fundit ka ushtruar jo thjesht presion, por ka artikuluar akuza ndaj Kryeministrit të Kosovës, duke e fajësuar për mënyrën se si menaxhoi situatën në Veriun e Kosovës, pas nisjes së tensioneve.
Pak ditë më parë, Osmani dhe Rama ishin të pranishëm në Ulqin, duke u bërë bashkë në koncertin e tenorit me famë botërore Ramë Halaj. Në media u publikuan foto nga takimi që Osmani dhe Rama, por edhe pjesëmarrës të tjerë të pranishëm në këtë koncert.
Nuk dihet sa rezultativ mund të jetë takimi kokë më kokë mes Ramës dhe Osmanit, apo se sa kjo e fundit mund të ndikojë në një “zbutje” të raporteve mes dy kryeministrave, por Presidentja e Kosovës duket se i ka mbajtur një “dritare” të hapur Kryeministrit të Shqipërisë për të vizituar Prishtinën në kuadër të turit ballkanik.
