Ish-kryetarja e parlamentit Jozefina Topalli ka folur para nisjes së Kuvendit Kombëtar të Partisë Demokratike, ku ajo gjithashtu do të mbajë fjalën e saj.
Topalli deklaroi se sot është koha që PD të kthehet te vetja ndërsa theksoi se nuk është nevoja për të pasur karrige për të bërë beteja të vërteta.
“Sot është një moment kur PD mund të kthehet te vetja e saj. Kam besim se do ta bëjë. Kemi kaluar shumë herë momente të vështira por nuk jemi tërhequr. Jemi hedhur në besimet tona. Është rasti për ta bërë edhe njëherë. Unë ndoshta mund të them një gjë.. Edhe pa qenë në krye të PD. Edhe pa qenë deputete njeriu duhet të gjejë forcën për të thënë të vërtetën e saj. Nuk është nevoja për të pasur karrige për të bërë beteja. Besoj se duhet të bëjmë beteja të vërteta. E rëndësishme është që bashkimi të bëhet mbi vlera. Te njerëzit e thjeshtë. Ata kërkojnë një opozitë reale. Nuk ka dëm më të madh se t’i japësh vendit një opozitë farsë. Dhe sot është dita për të bërë kthesë”, deklaroi Topalli.
Topalli ka qenë një ndër kritiket më të mëdha të Lulzim Bashës që momentin e ardhjes së tij në krye të PD, ndërsa vite pas largimit nga kjo parti, Topalli garon sot për kandidate e Këshillit Kombëtar.
