Projekti i Hidrocentralit të Skavicës ka ngritur sërish në protestë banorët e Dibrës, të cilët kundërshtojnë prej kohësh këtë projekt. Sipas tyre ndërtimi i Hidrocentralit do të sjellë shkatërrimin e zonës. Protestat organizohen nga Shoqata për Mbrojtjen e Luginës së Drinit të Zi.
“Ky njeri nuk pyet askënd dhe nuk lajmëron askënd se duket regjistrimi i pronave, kur dihet se Dibra e ka tokën e shenjtë. Kjo nuk është çështje politike, por çështje buke. Nuk është për përfitim kombëtar, por për të marrë përfitimin.”-shprehet Shoqata për Mbrojtjen e Luginës së Drinit të Zi.
Hidrocentrali i Skavicës është projektuar fillimisht në vitet 70’, si pjesë e Kaskadës së Drinit.
Projekti kap vlerën e 500 milion dollarëve, ndërsa punimet do të kryhen nga kompania amerikane Bektel.
