Një biznesmen në Aspropyrgos ka përjetuar momente terrori në orët e para të së martës kur katër persona të maskuar kanë hyrë në shtëpinë e tij të cilët pasi e kanë lidhur, i kanë marrë para dhe paund nga kasaforta. Më pas, janë larguar më shpejtësi nga vendi i ngjarjes për mos të rënë në sy.
Sipas mediave greke, gjithçka ka ndodhur në orën 4 të mëngjesit të së martës, kur katër grabitësit kanë hyrë në shtëpinë përdhese të biznesmenit 27-vjeçar. Pasi e kishin lidhur me kravatën e tij, e detyruan të dorëzonte çelësat e kasafortës. Aty morën plot 100 mijë euro dhe 30 mijë paund.
Më pas grabitësit morën makinën luksoze të biznesmenit të ri dhe u larguan, për ta braktisur e më pas djegur makinën në Menidi. Biznesmeni arriti të çlirohej nga prangat në orën 5 të mëngjesit, duke njoftuar menjëherë Policinë për ndihmë. Tani hetimet kanë nisur dhe Policia ka nisur nga puna për identifikimin dhe kapjen e autorëve të krimit.
