Nga Ema Andrea
Shume i shqetësuar opinioni! Falenderoj edhe ata që më përmendin! Ju pyes modestisht, çfarë kuptimi ka një titull, kur artisti nuk ka status, kur një artist pas një rruge të gjatë krijimtarie, sot ende punon në kushte mbijetese, kur një artisti i mbetet pak për të ruajtur dinjitetin, kur abuzohet me pasionin dhe dëshirën për të patur mundësi krijimtarie, kur pas çdo arritje apo çmimi, nuk ndyshon asgjë në karrierën e tij, kur është i detyruar të “zbatoje normën”, sepse ndryshe mbetet pa rrogë, kur del në pension të pamjaftueshëm për t’u vetëmbajtur, kur punon në kushte çnjerëzore?
Kur ai që bën “gavetën” dhe ai që ka 30 vite krijimtari janë njësoj! (Varet si i ke marrëdhëniet me lëpirjen) Kolegët në Perëndim (shumë të përmendur) kanë krejt të tjera mundësi (edhe ata që lëpihen).
Shqetësim kush e merr titullin?? Jo!!
Çdo titull humbet kuptimin dhe vlerën në kushtet reale ku jetojnë e krijojnë artistët!
Ndaj, ta gëzojë kushdo që e merr!
Më shumë dinjitet për artistët dhe nga artistët!
Ndryshe çmimet marrin vlerë objekti mbi mobilje dhe kaq!
Personalisht kam shumë objekte që s’më hyjnë në punë, veçse për të ndihmuar kujtesën!
