Policia ka arrestuar një 30-vjeçar i cili përplasi për vdekje një drejtues motori. Në pranga ka përfunduar 30-vjeçari me inicialet E. P., i cili ditën e djeshme ka përplasur A. Gj., i cili ishte duke udhëtuar me motor.
Për pasojë, ky i fundit ka humbur jetën, ndërsa pasagjerja që kishte në motor, L. Gj., ndodhet në spital, jashtë rrezikut për jetën.
Njoftimi i plotë
Tiranë
Shkeli vendimin e gjykatës dhe ushtroi dhunë ndaj motrës së tij, arrestohet në flagrancë 42-vjeçari. Në pranga edhe 2 drejtues mjetesh.
Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit E. Dh., 42 vjeç, pasi në kundërshtim me vendimin e gjykatës, e cila e kishte pajisur me urdhër-mbrojtjeje motrën e tij, ka ushtruar dhunë fizike dhe psikologjike ndaj saj.
Specialistët e Qarkullimit Rrugor bënë arrestimin në flagrancë të shtetasve:
•E. P., 30 vjeç, pasi ditën e djeshme, në vendin e quajtur “Mbikalimi i Golemit”, është përfshirë në një aksident me mjetin motor me drejtues A. Gj. dhe pasagjere shtetasen L. Gj., ku për pasojë shtetasi A. Gj. ka humbur jetën, ndërsa shtetasja L. Gj. ndodhet në spital, jashtë rrezikut për jetën.
•F. Sh., 39 vjeç, pasi në rrugën “Llazi Miho”, u kap duke drejtuar mjetin në gjendje të dehur, në masën 0.56 mg/l.
Materialet procedurale i kaluan Prokurorisë pranë Gjykatës së Shkallës së Parë Tiranë.
