5 persona janë ndaluar nga Policia e Tiranës ditën e sotme. Të ndaluarit M.R.,22 vjeҫ, Z.D. ,27 vjeҫ, G.Gj., 29 vjeҫ, B.K.,32 vjeҫ dhe J.G.,26 vjeҫ akuzohen për organizim proteste (tubimi) pa konfirmimin e organeve të rendit.
Arrestimi i tyre nga forcat e Komisariatit Nr.1 lidhet me protestën e zhvilluar ditën e djeshme në bulevardin “Dëshmorët e Kombit” dhe “Rrugën e Elbasanit” për mosekstradimin e Ismail “Ballist” Morinës nga shteti kroat në shtetin serb.
Morina u bë i njohur si autor i lëshimit të dronit të famshëm në ndeshjen midis Shqipërisë dhe Serbisë në 14 tetor 2014 e vlefshme për kualifikimin në fazën finale të EURO 2016 në Francë.
Trazirat e shkaktuara nga dhuna e tifozëve serbë ndërpreu ndeshjen. Vendimi i CAS-it i dha 3 pikë në tavolinë ekipit të Shqipërisë.
