Një vrasje e mundshme është parandaluar në Tiranë, ku një i ri ka tentuar të vrasë pronarin e një hoteli për motive të dobëta.
Sipas njoftimit të policisë, ngjarja ka ndodhur në rrugën “Tre Vëllezërit Kondi” në kryeqytet ku një 30-vjeçar, i shoqëruar nga një vajzë ka tentuar të vrasë pronarin e një hoteli me iniciale Z.Xh.
Në pranga ka rënë E. S., 30 vjeç, për veprat penale “Vrasja me dashje” mbetur në tentativë, “Mbajtja pa leje dhe prodhimi i armëve, armëve shpërthyese dhe i municionit”, “Shkatërrimi i pronës” dhe “Prishja e qetësisë publike”; si dhe E. D., 30 vjeçe, e cila shoqëronte E. S., për veprën penale “Moskallëzimi i krimit”.
Në procedim penal janë dhe dy shokët e 30-vjeçarit, të cilët dyshohen se i erdhën në ndihmë atij, gjatë konfliktit që mund të rezultonte fatal.
