Nga Vjollca Racaj
Ti, babë, merre çikën tane për dore edhe dil,
Dil edhe ti nanë,
Edhe ti vëlla, merri motrat e dil, ose n’paç të dashur merre edhe atë,
E ti çikë dil edhe vet n’kofsh, dil për vete, për shoqet e tua, për moshataret e tua e për çikën tande, nesër.
Po ti babë para se me dalë nesër n’protestë, njiher merre djalin tand edhe edukoje, thuji që femna per ta NUK asht objekt kënaqësie.
Msoje se kur femra thot JO dmth JO duhet me mbetë.
Msoje mos t’jetë posesiv ndaj sajë, msoje se femra e ka vlerën e vet, veç msoje edhe se NUK duhet me e trajtu si mà t’dobt, thjesht le ta kuptojë që asht i barabart me ta, NUK asht superior.
Nanë edhe babë, pash tokë e qiell EDUKOJINI djemtë tuaj,
Para se me e pytë “o djali babës hë azgan, a ki gjetë naj femën?” ti msoje qysh me u sjellë kur t’jetë me një vajzë.
Dil oj çikë nesër n’protestë, se dje viktimë e përdhunimit seksual ishte dikush që ti nuk e njeh, sot asht shoqja jote, e nëser ki me kanë TI.
Jo për fajin tan, po për fajin e ktij mentaliteti që ka me t’fajsu ty e asnjiherë përdhunuesin!!!
Dilni bashkë, se kriminelët e kan vendin n’zjarr po masi n’zjarr s’po mundemi, dërgojini n’burg e jeta le t’u bahet FERR!
Dje ishin n’rrugë, sot n’institucione shtetërore, nesër mund t’i keni në shtëpi!!!
Burimi: Facebook Vjollca Racaj. Fotografia: Atdhe Mulla
