Në të gjitha shkollat në vend, klasat e pesta i janë nënshtruar një testimi për dy orë me qëllim vlerësimin e nivelit arsimor në ciklin arsimor fillor.
Agjencia Kombëtare e Provimeve shpjegonë se ky testim nuk ka qëllim vlerësimin e nxënësit dhe nuk ka nota. Madje nuk është as i detyrueshëm.
“Nuk është provim, në fakt është vetëm vlerësim. Nuk është i detyrueshëm.
Ky vlerësim i nxënësve të ciklit fillor në lëndën e Gjuhës Shqipe, Matematikë dhe Dituri do të shërbejë si informacion për përmirësimin e kurrikulave dhe mënyrës së mësimdhënies duke trajnuar dhe mësuesit”, shprehet Rezan Vrapi.
